名古屋新社區MINATO AQULS內嘅全新大型購物中心——「Mitsui Shopping Park LaLaport NAGOYA MINATO AQULS」即將於9月下旬盛大開幕，位處名古屋市中心，無論住巴士或地鐵，交通均方便快捷。

LaLaport係遍佈日本全國嘅大型購物商場品牌，集合咗時裝、餐飲及娛樂設施於一身，當然新建嘅「Mitsui Shopping Park LaLaport NAGOYA MINATO AQULS」都不例外，可滿足大家「食、玩、買」嘅慾望! 

佢唔單只係日本第14間LaLaport，仲係第一次進軍東海3縣(愛知縣、岐阜縣及三重縣)嘅LaLaport，吸引咗共217間店舖進駐。當中除咗有首次進軍愛知縣嘅東京人氣品牌外，仲有唔少國內外均有超高人氣嘅潮流生活及兒童用品品牌開店! 

不得不提，以「WITH FAMILY」為主題嘅「蔦屋書店」正喺「Mitsui Shopping Park LaLaport NAGOYA MINATO AQULS」開設其東海首間分店! 它提供“BOOK & CAFE”嘅舒適空間，讓人猶如置身家中，可一邊享用咖啡一邊閱讀書本，享受與家人及摰愛嘅寧靜時光。

除咗為爸爸媽媽提供各種「食」、「生活」、「育兒」等嘅相關書籍外，仲提供名古屋限定嘅「CARLIFE」書籍，務求年青家庭或是年老一輩夫婦都能夠同家人一齊發掘生活上嘅樂趣。

「Mitsui Shopping Park LaLaport NAGOYA MINATO AQULS」以「連繫人・紡時間CONNECT　MALL」為商場概念，除咗多樣化嘅店舖組合吸引年青人外，仲引入多項以親子及家庭同樂嘅設施，包括「綠之廣場」、「FAMILY ZONE」等，希望無論男女老幼到訪都可樂而忘返，增強人與人間嘅聯繫。

戶外的「綠之廣場」位於商場西方，佔地約8,000平方米，地方十分廣闊!無論野餐定係進行其他戶外活動都非常適合，而特設嘅活動場地「DECAGON」係LaLaport史上最大嘅有蓋活動場地，佔地900平方米，會不定期舉行音樂會、展覽會或特賣會等，適合各年齡層人士一同參與。

「FAMILY ZONE」就強調親子間嘅聯繫，因此特地與著名嘅親子Cafe「EIGHT PARK」合作，以「馬戲團」為主題，讓其擔大旗負責「FAMILY ZONE」嘅設計。裡面更設置了不少有趣嘅照相位，唔單只小朋友，讓家庭裡嘅每一人都可以成為馬戲團嘅成員之一! 

除咗中央設有馬戲團屋頂嘅玩樂區外，周邊更有「EIGHT PARK CAFE」及多間小朋友用品相關的店舖，享受親子購物樂。

喺「Mitsui Shopping Park LaLaport NAGOYA MINATO AQULS」盡情玩樂購物之後，當然要到餐廳「醫肚」啦! 商場的1樓及3樓都設有美食廣場，其餐廳種類繁多，集合了日本各地美食，你想得到嘅都應有盡有! 

位於3樓嘅美食廣場更以「和」為主題，整個設計走典雅嘅和風路線，匯聚咗各款以丼為中心嘅和食以及日式甜品! 入口位置仲有茶屋嘅表演，完全能感受傳統日式風情! 美食廣場亦考慮到帶同小朋友的家長嘅需要，特設了小童專用座位，親子各人都可吃得方便又安心。

「Mitsui Shopping Park LaLaport NAGOYA MINATO AQULS」詳細資料

【地址】愛知縣名古屋市港區港明二丁目3番2號
【交通】名古屋市營地下鐵名港線「港區役所站」徒步2分鐘
            「東海通站」徒步3分鐘

秋天同家人一齊到名古屋旅行嘅時候，就記住要去「Mitsui Shopping Park LaLaport NAGOYA MINATO AQULS」，一齊享受購物樂趣呀！